തിരുവനന്തപുരം: ദിലീപ് നായകനായ ബാന്ദ്ര സിനിമയ്ക്കെതിരെ മോശം റിവ്യൂ നടത്തിയതിന് യൂട്യൂബർമാര്‍ക്കെതിരെ കേസെടുക്കാൻ കോടതിയിൽ ഹർജി. അജിത് വിനായക ഫിലിംസാണ് തിരുവനന്തപുരം ജുഡിഷ്യൽ ഫസ്റ്റ് ക്ലാസ് കോടതിയെ സമീപിച്ചത്. പ്രശസ്ത യൂട്യൂബറായ അശ്വന്ത് കോക്ക് അടക്കം 7 യൂട്യൂബർമാര്‍ക്കെതിരെ കേസെടുക്കണമെന്നാണ് ഹർജി. ഷിഹാബ്, ഉണ്ണി ബ്ലോഗ്സ് , ഷാസ് മുഹമ്മദ്, അര്‍ജുൻ, ഷിജാസ് ടോക്ക്സ്, സായ് കൃഷ്ണ എന്നിവരാണ് മറ്റുള്ള യൂട്യൂബർമാര്‍.
സിനിമ ഇറങ്ങി മൂന്നു ദിവസത്തിനുള്ളിൽ നഷ്ടമുണ്ടാകുന്ന രീതിയിൽ നെഗറ്റീവ് റിവ്യൂ നടത്തിയെന്നാണ് ഹർജി. കേസെടുക്കാൻ തിരുവനന്തപുരം സിറ്റി പൊലിസ് കമ്മീഷണർക്ക് നിർദ്ദേശം നൽകണമെന്ന് നിർമ്മാണ കമ്പനി ഹര്‍ജിയിൽ ആവശ്യപ്പെട്ടു