‘മരിച്ചു പോയെന്ന് കരുതുന്നില്ല. അദ്ദേഹം എവിടെയോ ദൂരെ ഒരു ലൊക്കേഷനിൽ ഷൂട്ടിങ്ങിന് പോയതാണെന്ന് താൻ വിശ്വസിക്കുന്നു,’.അന്തരിച്ച നടന്‍ ഇന്നസെന്റിന്റെ വിയോഗത്തില്‍ ദുഃഖം അറിയിച്ച് സലീം കുമാർ ഫേസ്ബുക്ക് പോസ്റ്റിൽ പങ്കുവച്ചതിങ്ങനെ.ആദരാഞ്ജലികൾ അർപ്പിക്കുന്നില്ല എന്നായിരുന്നു നടൻ പറഞ്ഞത്. ‘ഇന്നസെന്റ് ചേട്ടന് ഞാൻ ആദരാഞ്ജലികൾ അർപ്പിക്കുന്നില്ല, മരിച്ചു പോയി എന്നും ഞാൻ വിശ്വസിക്കുന്നില്ല, അദ്ദേഹം ദൂരെ എവിടെയോ, നമുക്കൊന്നും കാണാൻ പറ്റാത്ത ഒരു ലൊക്കേഷനിൽ ഷൂട്ടിങ്ങിന് പോയതാണ് എന്ന് ഞാൻ വിശ്വസിക്കുന്നു. ഞാനുമുണ്ട് ആ സിനിമയിൽ പക്ഷേ എന്റെ ഡേറ്റ് ഇതുവരെ ആയിട്ടില്ല, ആവും, ആവാതിരിക്കാൻ പറ്റില്ലലോ’, സലീം കുമാർ ഫേസ്ബുക്കിൽ കുറിച്ചു.