കോഴിക്കോട് വിവാഹ വീട്ടില് പടക്കം പൊട്ടിച്ചതിന്റെ പേരില് കൂട്ടത്തല്ല്. കോഴിക്കോട് മേപ്പയ്യൂരിലാണ് സംഭവം. വധുവിന്റെ വീട്ടിലെ പരിപാടിക്കെത്തിയ വരന്റെ വീട്ടുകാരാണ് പടക്കം പൊട്ടിച്ചത്. വധുവിന്റെ വീട്ടുകാര് ഇത് ചോദ്യം ചെയ്തതാണ് കൂട്ടത്തല്ലിൽ കലാശിച്ചത്. വടകരയില് നിന്നാണ് വരനും സംഘവും എത്തിയത്. മേപ്പയൂരിലെ വധൂഗൃഹത്തില് വച്ച് ഇവര് പടക്കം പൊട്ടിച്ചത് വധുവിന്റെ ബന്ധുക്കള് ചോദ്യം ചെയ്തു. ഇത് തര്ക്കത്തിലേക്കെത്തുകയും കൂട്ടത്തല്ലില് കലാശിക്കുകയുമായിരുന്നു. കൂട്ടത്തല്ലിന് ശേഷം വിവാഹ ചടങ്ങുകളെല്ലാം കൃത്യമായി നടക്കുകയും ബന്ധുക്കള് പിരിഞ്ഞുപോകുകയും ചെയ്തു. കൂട്ടത്തല്ലിന്റെ വീഡിയോ ആരോ മൊബൈലില് പകര്ത്തിയതാണ് സമൂഹമാധ്യമങ്ങളില് വൈറലാകുന്നത്. സംഭവത്തില് പൊലീസില് ആരും പരാതിപ്പെട്ടിട്ടില്ല.