ശബരിമല മണ്ഡല സീസണിൽ കെഎസ്ആർടിസിക്ക് റെക്കോഡ് വരുമാനം. കെഎസ്ആർടിസി പമ്പ സ്‌പെഷ്യൽ സർവീസിന് ഇന്നലെ 1,01,55048 രൂപയുടെ വരുമാനമാണ് ലഭിച്ചത്. കെഎസ്ആർടിസി പമ്പ സ്‌പെഷ്യൽ സർവീസിന് ഒരു ദിവസം നേടുന്ന ഏറ്റവും ഉയർന്ന വരുമാനമാണ് ഇന്നലത്തേത്. കഴിഞ്ഞ കുറച്ചു ദിവസങ്ങളായി ശബരിമലയിൽ വലിയ രീതിയിലുള്ള ഭക്തജന തിരക്കാണ് അനുഭവപ്പെടുന്നത്. ഏകദേശം ഒരു ലക്ഷത്തോളം പേരാണ് ദിവസവും ദർശനത്തിനായി എത്തുന്നത്. കഴിഞ്ഞ കുറച്ചു ദിവസങ്ങളായി ശബരിമലയിൽ വലിയ രീതിയിലുള്ള ഒരു ഭക്തജന തിരക്കാണ് അനുഭവപ്പെടുന്നത്. ഒരു ലക്ഷത്തിനടുത്ത് പേരാണ് ദിനംപ്രതി വെർച്വൽ ക്യു വഴി ദർശനത്തിനായി എത്തുന്നത്. കൂടാതെ നേരിട്ട് ദർശനത്തിനായി എത്തുന്നവരുടെ കണക്കും വളരെ കൂടുതലാണ്. ഇതിൽ ശബരിമലയിലേക്ക് എത്താൻ അധികം ആളുകളും ആശ്രയിക്കുന്നത് കെ.എസ്.ആർ.ടി.സി സർവീസുകളെയാണ്.