ഇന്ദ്രൻസിനെ തോളിലേറ്റി മാധ്യമങ്ങൾക്ക് മുന്നിൽ നിൽക്കുന്ന അമിതാബ് ബച്ചൻറെ മനോഹരമായ ചിത്രം പങ്കുവെച്ച് ഷനോജ് ഷറഫ് എന്ന കലാകാരൻ. ഫെയ്സ്ബുക്കിലാണ് ഷനോജ് ചിത്രം പങ്കുവച്ചത്. ഇപ്പോൾ സൈബർ ഇടങ്ങളിൽ ചിത്രം വൈറലാണ്. മന്ത്രിയുടെ നാക്കുപിഴ വലിയ വിവദമായതോടെ സമൂഹമാധ്യമങ്ങളിൽ വൻപ്രതിഷേധം ഉയർന്നത്. ഫെയ്സ്ബുക്ക് നിരവധി പേരാണ് രോഷം പ്രകടിപ്പിച്ചത്. എന്നാൽ ഷനോജ് രോഷം പ്രകടിപ്പിച്ചത് ഭാവനാചിത്രം ഒരുക്കിയാണ്. കോൺഗ്രസിന്റെ സ്ഥിതി എടുത്താൽ ഹിന്ദി സിനിമയിലെ അമിതാബ് ബച്ചന്റെ പൊക്കത്തിലുണ്ടായിരുന്ന കോൺഗ്രസ് മലയാള സിനിമയിലെ ഇന്ദ്രൻസിന്റെ വലുപ്പത്തിലെത്തി എന്നായിരുന്നു സാംസ്കാരിക മന്ത്രി വി എൻ വാസവൻ പറഞ്ഞത്. എന്നാൽ മന്ത്രിയുടെ പരാമർശത്തിൽ വിഷമമോ ബുദ്ധിമുട്ടോ തോന്നിയിട്ടില്ലെന്നുമായിരുന്നു ഇന്ദ്രൻസിന്റെ പ്രതികരണം. ‘മന്ത്രി അങ്ങനെ പറഞ്ഞതിൽ എനിക്ക് വിഷമം ഇല്ല. അമിതാബ് ബച്ചന്റെ ഉയരം എനിക്കില്ല. അദ്ദേഹത്തിന്റെ കുപ്പായം എനിക്ക് പാകമാകില്ല. അത് സത്യമല്ലേ ?. ഞാൻ കുറച്ച് പഴയ ആളാണ്. ഉള്ളത് ഉള്ളതു പോലയല്ലേ പറയേണ്ടത്. ഇതിലെനിക്ക് ബോഡി ഷെയ്മിങ് ഒന്നും തോന്നുന്നില്ല. ഞാനെന്താണെന്ന് എനിക്ക് നല്ല ബോധ്യമുണ്ടെന്ന് ഇന്ദ്രൻസ് പറഞ്ഞു.