ഉപയോക്താക്കളെ അതിശയിപ്പിച്ച്‌ പുതിയ ചില കിടിലന്‍ ഫീച്ചറുകളുമായി എത്തിയിരിക്കുകയാണ് വാട്ട്സ്ആപ്പ്. ഇനി മുതല്‍ വാട്ട്‌സ്ആപ്പില്‍ ഇടുന്ന ഫോട്ടോകള്‍ ബ്ലര്‍റ് ചെയ്യാം എന്നതാണ് ഇതില്‍ പ്രധാനം. കഴിഞ്ഞ ദിവസമാണ് ബീറ്റ ഉപയോക്താക്കള്‍ക്കായി വാട്ട്സ്ആപ്പ് ഈ അപ്‌ഡേഷന്‍ കൊണ്ടു വന്നത്. ഇമേജ് ബ്ലര്‍റിംഗ് ടൂള്‍ വാട്ട്സ്ആപ്പ് ഡെസ്‌ക്ടോപ്പ് ബീറ്റ ഉപയോക്താക്കള്‍ക്കാണ് നിലവില്‍ ലഭിക്കുന്നത്. കഴിഞ്ഞ വര്‍ഷം വാട്ട്സ്ആപ്പ് വെബ്, ഡെസ്‌ക്ടോപ്പ് ആപ്ലിക്കേഷനുകള്‍ക്കായി ഫോട്ടോ എഡിറ്റിംഗ് ടൂളുകള്‍ അവതരിപ്പിച്ചിരുന്നു. ഫോട്ടോകള്‍ അയയ്ക്കുന്നതിന് മുമ്പ് എഡിറ്റ് ചെയ്യാനും സ്റ്റിക്കറുകള്‍ ചേര്‍ക്കാനും ഈ സെറ്റിങ്‌സ് ഉപയോക്താക്കളെ സഹായിക്കും. പുതിയ അപ്‌ഡേറ്റില്‍ നിരവധി അധിക ടൂളുകളും ഉണ്ടാകും. സെന്‍സീറ്റിവ് ആയ കണ്ടന്റുകള്‍ ബ്ലര്‍ ചെയ്യാന്‍ ഈ സെറ്റിങ്‌സ് ഉപയോക്താക്കളെ അനുവദിക്കും. വാട്ട്സ്ആപ്പ് ബീറ്റ ഇന്‍ഫോയാണ് ഇക്കാര്യം പങ്കുവെച്ചത്. ഒരു പ്രൊഫൈല്‍ ഫോട്ടോയായി ഉപയോഗിക്കാനും വീഡിയോ കോളുകള്‍ക്കിടയില്‍ ഉള്‍പ്പെടുത്താനും കഴിയുമെന്നതാണ് അവതാറിന്റെ പ്രത്യേകത. ആന്‍ഡ്രോയിഡ് 2.22.23.8, 2.22.23.9 എന്നിവയിലെ വാട്ട്സ്ആപ്പ് ബീറ്റയില്‍ ഇവ ലഭ്യമായി തുടങ്ങി എന്ന് വാബെറ്റ് ഇന്‍ഫോ പുറത്തുവിട്ട റിപ്പോര്‍ട്ടില്‍ പറയുന്നു. വാട്ട്‌സ്ആപ്പില്‍ അവതാര്‍ കോണ്‍ഫിഗര്‍ ചെയ്തുകഴിഞ്ഞാല്‍, പ്ലാറ്റ്ഫോമില്‍ മറ്റുള്ളവരുമായി ഷെയര്‍ ചെയ്യാന്‍ കഴിയുന്ന ഒരു പുതിയ സ്റ്റിക്കര്‍ പായ്ക്ക് വാട്ട്സ്ആപ്പ് ക്രിയേറ്റ് ചെയ്യും. കൂടാതെ പ്രൊഫൈല്‍ ഫോട്ടോയായി ഒരു അവതാര്‍ തിരഞ്ഞെടുക്കാനും കഴിയും. വരും ആഴ്ചകള്‍ക്കുള്ളില്‍ കൂടുതല്‍ ഉപയോക്താക്കള്‍ക്ക് അവതാര്‍ കോണ്‍ഫിഗര്‍ ചെയ്യാന്‍ കഴിയുമെന്നാണ് സൂചന. വാട്ട്സ്ആപ്പ് അപ്‌ഡേറ്റ് ചെയ്താല്‍ മാത്രമേ പുതിയ ഫീച്ചര്‍ ലഭിക്കൂ.