ഇപ്പോള്‍ സമൂഹമാധ്യമങ്ങളില്‍ വൈറലായി കൊണ്ടിരിക്കുന്നത് ഇന്‍ഡോനേഷ്യയിലെ അതിമനോഹര ഗ്രാമത്തിന്റെ ചിത്രങ്ങളാണ്. റെയിന്‍ബോ വില്ലേജ് എന്നാണ് ഈ ഗ്രാമത്തിന്റെ പേര്. എന്നും സഞ്ചാരികളുടെ പ്രിയപ്പെട്ട രാജ്യമാണ് ഇന്തോനേഷ്യ. കാഴ്ചകളും കൗതുകങ്ങളും നിറഞ്ഞ നിരവധി സ്ഥലങ്ങളാണ് അവിടെ ഉള്ളത്. പ്രദേശവാസികളാണ് റെയിന്‍ബോ വില്ലേജിന്റെ പിറവിയ്ക്ക് പിന്നില്‍ ചിത്രങ്ങളില്‍ തന്നെ സഞ്ചാരികളെ മയക്കുന്ന ഈ ഗ്രാമം തേടി നിരവധി ആളുകളാണ് ഇങ്ങോട്ടേക്ക് എത്തുന്നത്.. ഒട്ടും ഭംഗിയില്ലാതെ വൃത്തിഹീനമായി കിടന്ന ഗ്രാമത്തെയാണ് പ്രദേശവാസികള്‍ ചേര്‍ന്ന് വര്‍ണാഭമാക്കി തീര്‍ത്തത്. ഇന്ന് ലോകത്തെ തന്നെ പ്രധാന വിനോദസഞ്ചാര കേന്ദ്രങ്ങളില്‍ ഒന്നാണ് ഈ മഴവില്ല് ഗ്രാമം.
പല വര്‍ണങ്ങളാല്‍ പൊതിഞ്ഞ ഇവിടം സ്വര്‍ഗ ഭൂമിയെന്നാണ് വിശേഷിപ്പിക്കുന്നത്. ഇന്തോനേഷ്യയിലെ കപുംങ് പെലാങ്കി എന്ന ഗ്രാമമാണ് റെയിന്‍ബോ വില്ലേജ് ആക്കിമാറ്റിയത്. ഗ്രാമത്തിനകത്തെ വീടുകളും വീഥികളും പല നിറങ്ങളില്‍ അലങ്കരിച്ചത് കാണേണ്ട കാഴ്ച്ച തന്നെയാണ്. 320 ഗ്രാമങ്ങളാണ് ഇവിടെ ഉള്ളത്. പല നിറത്തില്‍ അലങ്കരിച്ച ഇവിടുത്തെ വീഥികള്‍ ചുവര്‍ചിത്രങ്ങള്‍ കൊണ്ടും അലങ്കരിച്ചിട്ടുണ്ട്.ഗ്രാമവാസികളുടെ ഈ ശ്രമത്തിന് സര്‍ക്കാരും കൂടെ നിന്നു. 20000 ഡോളറാണ് സര്‍ക്കാര്‍ ഇതിനായി ധനസഹായം നല്‍കിയത്. സഞ്ചാരികള്‍ മാത്രമല്ല, ഫോട്ടോഗ്രാഫേര്‍സും ഈ ഗ്രാമം തേടി എത്താറുണ്ട്. ഗ്രാമത്തിന്റെ മാറ്റം സഞ്ചാരികളുടെ ഒഴുക്കിന് കാരണമായി. ഇതോടെ ടൂറിസത്തിന്റെ പ്രാദേശിക സമ്പദ്വ്യവസ്ഥയ്ക്ക് വലിയ സംഭാവനയാണ് നല്‍കിയത്.