സംസ്ഥാനത്ത് ഒരാള്ക്ക് കൂടി കുരങ്ങുവസൂരി സ്ഥിരീകരിച്ചതായി ആരോഗ്യ മന്ത്രി വീണാ ജോര്ജ്. മലപ്പുറം സ്വദേശിയായ 35 വയസുകാരനാണ് കുരങ്ങുവസൂരി സ്ഥിരീകരിച്ചത്. ഈ മാസം 6ന് യുഎ.ഇയില് നിന്ന്െത്തിയതാണിദ്ദേഹം. 13ന് പനി തുടങ്ങി, 15ന് ശരീരത്തില് പാടുകള് കണ്ടു. ഇപ്പോള് ഇയാള് മഞ്ചേരി മെഡിക്കല് കോളേജ് ആശുപത്രിയില് ചികിത്സയിലാണ്. ഇദ്ദേഹവുമായി അടുത്ത സമ്പര്ക്കത്തിലുള്ളവരെ നിരീക്ഷണത്തിലാക്കി. ഇതോടെ സംസ്ഥാനത്ത് കുരങ്ങുവസൂരി സ്ഥിരീകരിച്ചവരുടെ എണ്ണം മൂന്നായി. മുന്പ് രോഗം ബാധിച്ചവരുടെ ആരോഗ്യനില തൃപ്തികരമായി തുടരുന്നു.