വധശ്രമ ഗൂഢാലോചനകേസുമായി ബന്ധപ്പെട്ട് കൂടുതൽ വെളിപ്പെടുത്തലുകളുമായി ദിലീപ്. ബൈജു പൗലോസിന്റെ പക്കലുള്ള നടിയെ ആക്രമിക്കുന്ന ദൃശ്യങ്ങളടങ്ങിയ ഡിജിറ്റൽ ഉപകരണം തന്നിൽ നിന്നും പിടിച്ചെടുത്തുവെന്ന് വരുത്തി തീർക്കാനാണ് തനിക്കെതിരെ ഗൂഢാലോചനക്കേസ് എടുത്തതെന്ന് ദിലീപ് ആരോപിച്ചു.
ബാലചന്ദ്രകുമാറിന്റെ ഒപ്പിടാത്ത മൊഴി പ്രകാരം റിപ്പോർട്ട് തയ്യാറാക്കിയതും കേസ് എടുത്തതും ഇതിന് തെളിവാണെന്ന് അദ്ദേഹം ആരോപിച്ചു. ഇതിനായി ബൈജു പൗലോസും എ.ഡിജി.പിയും ഔദ്യോഗിക പദവി ദുരുപയോഗം ചെയ്തുവെന്നും അദ്ദേഹം കൂട്ടിച്ചേർത്തു.
ഡി.വൈ.എസ്.പി ബൈജു പൗലോസിന് തന്നോട് വർഷങ്ങളായി പകയും വിദ്വേഷവുമുണ്ടെന്ന് ദിലീപ് പറഞ്ഞു.ബാലചന്ദ്രകുമാറിന്റെ മൊഴിയെടുത്തതും എഫ്.ഐ.ആർ. രജിസ്റ്റർ ചെയ്തതടക്കമുള്ള കാര്യങ്ങൾ മുൻകൂട്ടി തയ്യാറാക്കിയ പദ്ധതി പ്രകാരമാണെന്ന് ദിലീപ് ചൂണ്ടിക്കാട്ടി.