റിപ്പബ്ലിക് ദിന ഫ്ലോട്ടിൽ കേരളത്തെ ഒഴിവാക്കിയ നടപടിക്കെതികെ സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണൻ. തീരുമാനത്തിന് പിന്നിൽ സംഘ പരിവാർ അജണ്ടയാണെന്ന് സിപിഐഎം മുഖപത്രത്തിൽ കോടിയേരി ആരോപിച്ചു.
കേരളത്തെ മാറ്റി നിർത്തിയത് ശ്രീനാരായണ ഗുരുവിനെ ഫ്ളോട്ടിൽ അവതരിപ്പിച്ചതിനാലാണെന്നും റിപ്പബ്ലിക് ദിനാഘോഷ ചരിത്രത്തിൽ തീരാകളങ്കമാണ് ഇതെന്നും കോടിയേരി തുറന്നടിച്ചു. ശ്രീ നാരായണ ദർശനവും സംഘ പരിവാർ രാഷ്ട്രീയവും ഏച്ചുകെട്ടിയാലും പൊരുത്തപ്പെടാത്തവയാണെന്നും പാർട്ടി മുഖപത്രത്തിലെഴുതിയ ലേഖനത്തിൽ കോടിയേരി പറയുന്നു.