നടിയെ ആക്രമിച്ച കേസില് സത്യം പുറത്തുകൊണ്ടുവരുമെന്ന് എ.ഡി.ജി.പി എസ് ശ്രീജിത്ത്. വി.ഐ.പി ആരെന്ന് സ്ഥിരീകരിച്ചിട്ടില്ല. സാക്ഷികള് കൂറുമാറിയത് ഉള്പ്പെടെ അന്വേഷിക്കുമെന്നും ശ്രീജിത്ത് പറഞ്ഞു. വി.ഐ.പി ആരെന്ന് ഔദ്യോഗികമായി സ്ഥിരീകരിച്ചിട്ടില്ല. മുന്കൂര്ജാമ്യാപേക്ഷ നല്കിയവരെയും, ആവശ്യം വന്നാല് അല്ലാത്തവരെയും ചോദ്യംചെയ്യും. സാക്ഷികള് കൂറുമാറാനുണ്ടായ സാഹചര്യം പരിശോധിക്കും. കേസ് സത്യസന്ധമായി അന്വേഷിച്ച് സത്യം പുറത്തുകൊണ്ടുവരും. ആവശ്യത്തിന് തെളിവുകള് കയ്യിലുണ്ട്, ബാക്കി അന്വേഷിച്ച് കണ്ടെത്തും. ചോദ്യംചെയ്യലില് സഹകരിക്കുമ്പോള് ചില തെളിവുകള് കിട്ടും. നിസ്സഹകരിക്കുമ്പോള് വേറെ കുറേ തെളിവുകള് കിട്ടും. രണ്ടും അന്വേഷണത്തിന് സഹായകരമാണ്. കോടതിയുടെ നിര്ദേശപ്രകാരമാണ് കാര്യങ്ങള് ചെയ്യുന്നത്. നിസ്സഹകരണം ഉണ്ടെങ്കില് കോടതിയെ അറിയിക്കുമെന്നും എ.ഡി.ജി.പി പറഞ്ഞു.