കണ്ണൂര്‍ കൂട്ടുപുഴയില്‍ വന്‍ കഞ്ചാവ് വേട്ട – ആന്ധ്രയില്‍ നിന്നും കൂട്ടുപുഴ വഴി കേരളത്തിലേക്ക് കടത്താന്‍ ശ്രമിച്ച 227 കിലോ കഞ്ചാവുമായി 3 പേര്‍ അറസ്റ്റില്‍. നാഷണല്‍ പെര്‍മിറ്റ് ലോറിയില്‍ പാര്‍സലായി കൊണ്ടുവരുമ്പോഴാണ് സ്റ്റേറ്റ് എക്‌സൈസ് സംഘം കഞ്ചാവ് പിടികൂടിയത്.
ആന്ധ്രയില്‍ നിന്നും 99 പാക്കറ്റുകളിലാക്കി പിക്കപ്പ് വാനില്‍ ബാംഗ്ലൂരില്‍ എത്തിച്ച കഞ്ചാവ് ബിസ്‌ക്കറ്റ്, പെപ്‌സി സ്റ്റോണ്‍,എന്നിവ അടങ്ങിയ നാഷണല്‍ പെര്‍മിറ്റ് ലോറിയിലാണ് കേരളത്തിലേക്ക് കടത്താന്‍ ശ്രമിച്ചത്‌. സ്റ്റേറ്റ എക്‌സൈസ് സംഘം കൂട്ടുപുഴയില്‍ വച്ചാണ് 227. കിലോ ഗ്രാം കഞ്ചാവ് പിടികൂടിയത്.
ഇരിട്ടി സ്വദേശി ഷംസീര്‍,മട്ടന്നൂരിലെ അബ്ദുള്‍ മജീദ് ,തലശ്ശേരി കീഴല്ലൂര്‍ സ്വദേശി സാജിര്‍ എന്നിവരെയാണ് അറസ്റ്റ് ചെയ്ത് കഞ്ചാവ് കൊണ്ടുവന്നത് വടകരയില്‍ ഉള്ള മറ്റൊരാള്‍ക്ക് വേണ്ടിയാണെന്നാണ് പ്രതികള്‍ പോലീസിനോട് പറഞ്ഞിട്ടുള്ളത്. കേസ് സ്റ്റേറ്റ് എക്‌സൈസ് എന്‍ഫോഴ്‌സ്‌മെന്റ് സംഘം ഇരിട്ടി എക്‌സൈസിന് കൈമാറി. സംഭവത്തില്‍ സംസ്ഥാന കഞ്ചാവ് ലോബികളുടെ ബന്ധം അന്വേഷിക്കുമെന്ന് എക്‌സൈസ് ഇന്‍സ്‌പെക്ടര്‍ പറഞ്ഞു.
