സെപ്റ്റംബര്‍ 18,25 തീയതികളില്‍ നടത്താന്‍ നിശ്ചയിച്ചിരുന്ന പി എസ് സി പരീക്ഷകള്‍ മാറ്റിവെച്ചു.പി എസ് സി ബിരുദതല പ്രാഥമിക പരീക്ഷകളാണ് മാറ്റിവെച്ചത്. ഒക്ടോബര്‍ 23, 30 തീയതികളിലേക്കാണ് മാറ്റിയത്. സംസ്ഥാനത്ത് നിപ വൈറസ് സ്ഥിരീകരിച്ച സാഹചര്യത്തിലാണ് നടപടി.
നിപ വൈറസ് ബാധയെ തുടര്‍ന്ന് കോഴിക്കോട്, കണ്ണൂര്‍, മലപ്പുറം ജില്ലകളില്‍ അതീവ ജാഗ്രത പ്രഖ്യാപിച്ച സാഹചര്യത്തിലും, പരീക്ഷാ കേന്ദ്രങ്ങള്‍ സജ്ജീകരിച്ച് ഉദ്യോഗാര്‍ത്ഥികളെ പരീക്ഷയ്ക്ക് ഇരുത്തുന്നതില്‍ പ്രയാസം സൃഷ്ടിക്കുന്ന സാഹചര്യത്തിലുമാണ് നടപടിയെന്ന് അധികൃതര്‍ അറിയിച്ചു.
സെപ്റ്റംബര്‍ 7 ന് നടത്താന്‍ നിശ്ചയിച്ചിരുന്ന കോളജ് വിദ്യാഭ്യാസ വകുപ്പില്‍ അസി. പ്രഫസര്‍ (അറബി) തസ്തികയുടെ വിവരണാത്മക പരീക്ഷയും ഒക്ടോബര്‍ ആറിലേക്ക് മാറ്റിയിട്ടുണ്ട്.