ഇന്ത്യയുമായി നല്ല സൗഹൃദബന്ധം ആഗ്രഹിക്കുന്നുവെന്ന് താലിബാൻ ഭരണകൂടം. ഇന്ത്യയുമായി സാംസ്കാരിക വാണിജ്യബന്ധം തുടരുന്നതിൽ താത്പര്യമുണ്ടെന്ന് താലിബാൻ വക്താവ് അറിയിച്ചു.ഇന്ത്യക്കാർക്ക് അഫ്ഗാനിൽ തന്നെ തുടരുന്നതിൽ തടസമില്ല. നേരത്തെ അഫ്ഗാനുമായി ഇന്ത്യയ്ക്ക് മികച്ച നയതന്ത്ര ബന്ധം ഉണ്ടായിരുന്നു. അഫ്ഗാൻ താലിബാന്റെ നിയന്ത്രണത്തിലായതോടെ ഇന്ത്യയുടെ സമീപനം എങ്ങനെയായിരിക്കുമെന്ന് ലോകരാജ്യങ്ങൾ ഉറ്റുനോക്കുന്നതിനിടെയാണ് താലിബാന്റെ പ്രസ്താവന. എന്നാല്‍ നിലവിൽ ഇന്ത്യയിലേക്കുള്ള കയറ്റുമതിയും ഇറക്കുമതിയും താലിബാന്‍ നിര്‍ത്തിവെച്ചിരിക്കുകയാണ്. ഫെഡറേഷൻ ഓഫ് ഇന്ത്യൻ എക്സ്പോർട്ട് ഓർഗനൈസേഷനാണ് ഇന്ത്യയിലേക്കുള്ള കയറ്റുമതിയും ഇറക്കുമതി താലിബാന്‍ നിര്‍ത്തിവെച്ച കാര്യം വ്യക്തമാക്കിയത്. അതേസമയം കാബൂളിൽ നിന്ന് ഇത് വരെ 550തിലധികം പേരെ തിരികെയെത്തിച്ചുവെന്ന് വിദേശകാര്യമന്ത്രാലയം കഴിഞ്ഞ ദിവസം വ്യക്തമാക്കിയിരുന്നു.
