മുട്ടില്‍ മരംമുറിക്കേസിലെ ധര്‍മടം ബന്ധം മുഖ്യമന്ത്രി വ്യക്തമാക്കണമെന്ന് പ്രതിപക്ഷനേതാവ് വി ഡി സതീശന്‍.മരം മുറിയില്‍ വനംവകുപ്പ് ഉദ്യോഗസ്ഥന്‍ എന്‍ ടി സാജനെതിരായ അന്വേഷണ റിപ്പോര്‍ട്ട് മുഖ്യമന്ത്രി മടക്കിയെന്നും മരം സംരക്ഷിക്കാന്‍ സത്യസന്ധമായ നിലപാടെടുത്ത ഉദ്യോഗസ്ഥരെ വിരട്ടുകയും ഭീഷണിപ്പെടുത്തുകയും കള്ളക്കേസില്‍ കുടുക്കാന്‍ ശ്രമിക്കുകയും ചെയ്ത ഉദ്യോഗസ്ഥനെ സംരക്ഷിക്കുന്ന ധര്‍മടം ബന്ധം എന്താണെന്നുമായിരുന്നു പ്രതിപക്ഷത്തിന്റെ ചോദ്യം.
മുട്ടില്‍ മരം മുറി മൂന്ന് പ്രാവശ്യം നിയമസഭയില്‍ ഉന്നയിച്ചു. സാധാരണ ട്രാന്‍സ്ഫര്‍ മാത്രമാണ് സാജനെതിരെ ഉണ്ടായ നടപടി.ധര്‍മടത്തെ രണ്ട് വ്യക്തികളെക്കുറിച്ച് റിപ്പോര്‍ട്ടില്‍ പരമാര്‍ശിക്കുന്നത് ഗൗരവതരമാണ്.റിപ്പോര്‍ട്ട് പുറത്തുവന്ന സാഹചര്യത്തില്‍ നിയമപരമായി മുന്നോട്ട് പോകുന്നതിനെക്കുറിച്ച് പ്രതിപക്ഷം ആലോചിക്കുമെന്നും വിഷയത്തില്‍ പൊലീസ് അന്വേഷണം തൃപ്തികരമായ രീതിയിലല്ല പോകുന്നതെന്നും വിഡി സതീശന്‍ പറഞ്ഞു.