ഡോളർ കടത്തു കേസിൽ മുഖ്യമന്ത്രി മൗനം തുടരുന്നതിൽ പ്രതിഷേധിച്ച് പ്രതിപക്ഷം നിയമസഭ ബഹിഷ്കരിക്ക് പ്രതിഷേധിച്ചു. ചോദ്യോത്തരവേള തുടങ്ങിയപ്പോള് മുതല് പ്രതിപക്ഷ പ്രതിഷേധം ആരംഭിച്ചിരുന്നു. മുഖ്യമന്ത്രിയുടെ നിലപാടിൽ കേരള ജനതയ്ക്ക് ആശങ്കയുണ്ടെന്ന് പ്രതിപക്ഷ നേതാവ് വി.ഡി സതീശൻ കുറ്റപ്പെടുത്തി . അധികാരത്തിൽ ഇരിക്കുന്നവർ മറുപടി പറയാത്തത് ശരിയല്ലെന്നും മുഖ്യമന്ത്രി മൗനം വെടിയണമെന്നും പ്രതിപക്ഷനേതാവ് പറഞ്ഞു . മുഖ്യമന്ത്രി വിഷയം ചർച്ച ചെയ്യാൻ ആഗ്രഹിക്കുന്നില്ല. സംസ്ഥാനത്ത് ഇരട്ടനീതിയാണ് നടപ്പിലാക്കുന്നത് . എന്നാല് നേരത്തെ തന്നെ പ്രതിപക്ഷം പുറത്തുപോകാന് തീരുമാനിച്ചതാണെന്ന് മന്ത്രി കെ.എന് ബാലഗോപാല് പറഞ്ഞു. സഭ ബഹിഷ്കരിച്ച പ്രതിപക്ഷം സഭ കവാടത്തിന് മുന്നിൽ കുത്തിയിരുന്നു. പിന്നീട് നിയമസഭാ ഗേറ്റിൽ പ്രതിപക്ഷ എം.എൽ.എമാർ പ്രതിഷേധ മതിൽ തീർത്തു.