തിരുവനന്തപുരം : ശബരിമലയില്‍ തെറ്റുപറ്റിയെന്ന മന്ത്രി കടകംപള്ളി സുരേന്ദ്രന്റെ ഖേദപ്രകടനം മുഖ്യമന്ത്രിയും സംസ്ഥാന കമ്മിറ്റിയും പരിശോധിക്കുമെന്നും സിപിഎം ജനറല്‍ സെക്രട്ടറി സീതാറാം യച്ചൂരി. കടകംപള്ളി എന്തുകൊണ്ട് അങ്ങനെ പറഞ്ഞു എന്നതാണ് പരിശോധിക്കുക. കടകംപള്ളിയുടെ ഖേദ പ്രകടനത്തില്‍ വിശദീകരണം തേടുമെന്നു മുഖ്യമന്ത്രി ഇതിനകം പറഞ്ഞിട്ടുണ്ട്.
വിശാല ബെഞ്ചിന്റെ പരിഗണനയിലിരിക്കുന്ന വിഷയമാണ് ശബരിമല. കോടതിയുടെ പരിഗണനയിലുള്ള വിഷയത്തില്‍ ചര്‍ച്ച വേണ്ട. ജനശ്രദ്ധ തിരിക്കാന്‍ യുഡിഎഫും ബിജെപിയും വിവാദങ്ങള്‍ സൃഷ്ടിക്കുന്നുവെന്നും യച്ചൂരി ആരോപിച്ചു.
