ലോകത്ത് കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്തത് നാല് ലക്ഷത്തിലേറെ കോവിഡ് കേസുകള്‍. ഇതോടെ ആകെ കൊവിഡ് കേസുകള്‍ പന്ത്രണ്ട് കോടി പന്ത്രണ്ട് ലക്ഷം പിന്നിട്ടു. ലോകത്ത് ഏറ്റവും കൂടുതല്‍ കേസുകളുള്ളത് അമേരിക്കയില്‍ ആണ്. ആകെ വൈറസ് ബാധിതര്‍ ഇവിടെ മൂന്ന് കോടി പിന്നിട്ടു. അരലക്ഷത്തിലധികം പേര്‍ക്കാണ് കഴിഞ്ഞ ദിവസം കൊവിഡ് സ്ഥിരീകരിച്ചത്. 5.49 ലക്ഷം പേര്‍ വൈറസ് ബാധിച്ചു മരിച്ചു.
രോഗികളുടെ എണ്ണത്തില്‍ ബ്രസീല്‍ ആണ് രണ്ടാംസ്ഥാനത്ത്. ഇന്ത്യയെ മറികടന്ന് ആണ് ബ്രസീല്‍ രണ്ടാം സ്ഥാനത്തെത്തിയത്. ഒരു കോടി പതിനാറ് ലക്ഷം പേര്‍ക്കാണ് ബ്രസീലില്‍ കൊവിഡ്. 80,000ത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. 2.82 ലക്ഷം പേര്‍ മരിച്ചു. ഇന്ത്യയില്‍ ഒരു കോടി പതിനാല് ലക്ഷം രോഗബാധിതരാണ് ഉള്ളത്. വൈറസിന്റെ പിടിയില്‍പ്പെട്ട് ഇതിനകം 26.81 ലക്ഷം പേര്‍ മരിച്ചു.
