തിരുവനന്തപുരം: അയോധ്യയില്‍ നിര്‍മിക്കുന്ന രാമക്ഷേത്രത്തിന് സംഭാവന നല്‍കി എന്‍.എസ്.എസ്. ഏഴ് ലക്ഷം രൂപയാണ് എന്‍.എസ്.എസ് സംഭാവനയായി കൈമാറിയത്.ആരും ആവശ്യപ്പെട്ടിട്ടല്ല സംഭാവന നല്‍കിയതെന്ന് എന്‍.എസ്.എസ് പ്രതികരിച്ചും. ഇതിനെ രാഷ്ട്രീയമായി കാണേണ്ടതില്ല. വിശ്വാസത്തിന്‍റെ ഭാഗമായാണ് സംഭാവന നല്‍കിയതെന്ന് എന്‍.എസ്.എസ് പ്രതികരിച്ചു.
നേരത്തെ ശബരിമല വിഷയത്തിലുള്‍പ്പടെ എന്‍.എസ്.എസ് ശക്തമായ നിലപാട് സ്വീകരിച്ചിരുന്നു. ശബരിമല പ്രശ്നത്തില്‍ ബി.ജെ.പിയുടേയും യു.ഡി.എഫിന്‍റെയും നിലപാടിനെ വിമര്‍ശിച്ച്‌ എന്‍.എസ്.എസ് രംഗത്തെത്തി. ശബരിമലയിലെ സംഘര്‍ഷങ്ങളില്‍ പ്രതികളായവര്‍ക്കെതിരായ കേസുകള്‍ പിന്‍വലിക്കണമെന്നും എന്‍.എസ്.എസ് സംസ്ഥാന സര്‍ക്കാറിനോട് ആവശ്യപ്പെട്ടിരുന്നു.