ദൃശ്യം 2 ഒടിടി റിലീസിന് ശേഷം തിയറ്ററില്‍ എത്തുമെന്നായിരുന്നു പ്രതീക്ഷിച്ചിരുന്നത്. സംവിധായകനും നിര്‍മാതാവും ഇത്തരത്തില്‍ പ്രതികരിച്ചിരുന്നു. എന്നാല്‍ ഇതിനെതിരെയാണ് ഫിലിംചേംബര്‍ രംഗത്ത് എത്തിയത്. ഇത്തരത്തിലൊരു കീഴ്‌വഴക്കം നിലവിലില്ല. ഒരു സൂപ്പര്‍ താരത്തിനും സൂപ്പര്‍ നിര്‍മാതാവിനും ഇളവ് നല്‍കാനാകില്ല. അങ്ങനെ പുതിയൊരു കീഴ്‌വഴക്കം ഉണ്ടാക്കിയെടുക്കാനാവില്ലെന്നും ഫിലിം ചേംബര്‍ അറിയിച്ചു.
ഫിലിംചേംബറിന്റെ തീരുമാനം 42 ദിവസം തിയറ്ററില്‍ ഓടിയതിന് ശേഷം ചിത്രങ്ങള്‍ ഒടിടിക്ക് നല്‍കുകയെന്നതാണ്. എന്നാല്‍ നിലവില്‍ ആ തീരുമാനം ലംഘിക്കപ്പെട്ടു. ദൃശ്യം സിനിമ തിയറ്ററില്‍ റിലീസ് ചെയ്യുന്നതിനായി ചിത്രീകരിച്ചതാണെന്നും ഫിലിം ചേംബര്‍ അറിയിച്ചു.
