ബുറേവി ചുഴലിക്കാറ്റിനെ നേരിടാനുള്ള മുന്നൊരുക്കങ്ങള്‍ വിലയിരുത്താനായി മുഖ്യമന്ത്രി പിണറായി വിജയന്‍ ഉന്നതതല യോഗം വിളിച്ചു.ചുഴലിക്കാറ്റിന്റെ പശ്ചാത്തലത്തില്‍ തെക്കന്‍ കേരളത്തില്‍ ചുഴലിക്കാറ്റ് റെഡ് അലര്‍ട്ട് പ്രഖ്യാപിച്ചിരിക്കുകയാണ്.നേരത്തെ യെല്ലോ അലര്‍ട്ടായിരുന്നെങ്കിലും കാറ്റ് ഇന്ത്യന്‍ തീരത്തോട് അടുത്തതിനാലാണ് റെഡ് അലര്‍ട്ട് ആക്കി ഉയര്‍ത്തിയത്.
അപകടസാധ്യതാ മേഖലകളില്‍ താമസിക്കുന്നവരെ മാറ്റിപാര്‍പ്പിക്കുന്നതിനായി തലസ്ഥാനത്ത് 217 ക്യാമ്പുകള്‍ തുറന്നിട്ടുണ്ട്.സമീപവാസികള്‍ക്ക് ജാഗ്രത നിര്‍ദേശവും നല്‍കിയിട്ടുണ്ട്. ഇതിനെകുറിച്ച് കൂടുതല്‍ മുന്നൊരുക്കങ്ങള്‍ വിലയിരുത്താനാണ് യോഗം. സെക്രട്ടറിയേറ്റില്‍ 3.30 ന് വിവിധ വകുപ്പുകളുടെ യോഗമാണ് ചേരുക.
