സംസ്ഥാന ബാങ്ക് കമ്മിറ്റിയുടെ തീരുമാന പ്രകാരം സേവിങ്സ് അക്കൗണ്ട് ഉപഭോക്താക്കൾക്കായി ബാങ്കുകളിലെ സന്ദർശന സമയം ക്രമീകരിച്ചു. ഒന്ന് മുതൽ അഞ്ച് വരെ നമ്പറുകളിൽ അവസാനിക്കുന്ന അക്കൗണ്ട് ഉള്ളവർക്ക് രാവിലെ 10 മണി മുതൽ 12.30 വരെയും 6 മുതൽ 9 വരെ 0 നമ്പറുകളിൽ അവസാനിക്കുന്നവർക്ക് 1 മണി മുതൽ 4 മണി വരെയുമാണ് സമയ ക്രമീകരണം .
കണ്ടെയ്ൻമെൻറ് സോണുകളിൽ പ്രവർത്തിക്കുന്ന ബാങ്കുകളിൽ ഒന്ന് മുതൽ അഞ്ച് വരെ നമ്പറുകളിൽ അവസാനിക്കുന്ന അക്കൗണ്ട് ഉള്ളവർക്ക് രാവിലെ 10 മണി മുതൽ 11.30 വരെയും 6 മുതൽ 9 വരെ 0 നമ്പറുകളിൽ അവസാനിക്കുന്നവർക്ക് 11.30 മുതൽ 1 മണിവരെയുമാണ് സമയ ക്രമം. വായ്പ്പയുമായി ബന്ധപ്പെട്ട സേവനങ്ങൾക്കും മറ്റ് ബാങ്ക് ഇടപാടുകൾക്കും ഈ നിയന്ത്രണങ്ങൾ ബാധകമല്ല. പൊതുവായ അന്വേഷണങ്ങൾ മുൻകൂട്ടി നിശ്ചയിച്ച സന്ദർശങ്ങൾ എന്നിവക്ക് അതാത് ബാങ്ക് ശാഖയുമായി ഫോണിൽ ബന്ധപ്പെടാവുന്നതാണ്. ഒരറിയിപ്പ് ഉണ്ടാകുന്നതുവരെ ഈ നിർദേശങ്ങൾ തുടരണമെന്ന് ജില്ലാ ലീഡ് ചീഫ് മാനേജർ അറിയിച്ചു.